Kinta-feira ne`e Alberto Rosa Gomes simu posse husi administrador municipio liquica Pedro Paulo Gomes hodi assume knaar Administrador Posto Liquica Villa Periodu tinan hat.
Iha diskursu ministru administrasaun estatal nian ne`ebe hato`o husi administrador municipio liquica husu administrador posto ne`ebe foin simu posse atu familiariza aan ho enkuadramentu legais no buka halo konsultasaun hodi hakbesik liu tan governo ba to`o baze.
Administrador foun Alberto Rosa Gomes iha nia deskursu hateten nu`udar funsionariu publiku hakruk ba desizaun ninia superior sira nian no konta ho apoiu entidades hot-hotu nian hodi halao servisu iha postu administrativu liquica villa.
Enkuantu administrador sesante rogerio dos santos iha ninia intervensaun agradese ba konfiansa ne`ebe haraik ona ba nia durante tinan lima fulan hatat nu`udar administrador postu administrativu liquica villa no sente orgullu tamba bele konklui responsabilidade to`o rohan.
Seremonia tomada de posse ne`e konta ho prezensa husi direitores linhas sektorais sira komandante pntl veteranus vigariu parokial liquica sefe suku hitu husi postu administrativu liquica villa no funsionariu sira.
