Ministru defeza husu komunidade sira atu labele fiar imformasaun falsu neebe espala iha media sosial tanba imformasaun sira nee la kontribui ba reduz transmisaun covid iha rai laran.
Ministru defeza Filomeno de Paixão hateten laiha estadu ida maka atu hanoin at ba nia povu.
“ se estadu fo vasina par oho povu depois estadu atu ukun fali saida ,estadu laos hanoin at ba nia povu,estadu hadomi nia povu tanba ne fo vasina atu protégé nia povu husi moras.”
Tamba nee publiku tenki tau fiar ba estadu hodi kontribui ba konvate moras iha timor leste,no labele fiar liu ba imformasaun falsu sira.
“ ita rona estadu mak los ka ita rona lia bosok mak los,tamba neelabele komunidade labele fiar ba lia bosok sira neebe espala.”
enkuantu iha munisipio likisa ema neebe partisipa ona iha vasina sae ba pursentu tolu nulu resin hat.
