Tersa feira nee komando polisia nasional timor leste munisipio likisa konvoka enkontru hamutuk ho kordenador partidu politiku sira iha munisipio likisa hodi asegura estabilidade durante kampana to’o iha loron eleisaun .
Liu husi enkontru nee kordenador partidu politiku 5 hanesan partidu PD,Fretilin,CNRT ,Khunto,PLP, iha munisipio likisa asina akta ho komando pntl hodi asegura estabilidade durante kampana too loron eleisaun nian.
Komandante PNTL Munisipio Likisa Superintendente Polisia Umbelina dos Santos Soares hateten asunto seguransa laos deit polisia maibe seguransa iha ema hotu nia liman ,oinsa bele asegura situasaun hakmatek ho paz no dame .
“ atu asegura estabilidade nasional nee mai husi ita nia an rasik ,atu nunee hahu haraka munisipio likisa sai ezemplu diak ba munisipio sira seluk.”
Komando PNTL Likisa husu ba kordenador Partidu Politiku sira iha likisa atu kontribui no kopera hamutuk ho seguransa hodi garante estabilidade iha munisipio likisa durante kampana eleitoral too eleisaun neebe sei akontese iha loron 19 fulan marsu 2022.
“ tanba ne maka ohin ita mai hamutuk iha nee atu partilla hanoin,ita bot siera mos bele fo hanoin balu mai ,ita bot sira mos intende didiak estrategia politika komando nian ,hodi asegura eleisaun no mos ba partidu politik sira.”
Iha enkontru nee partisipa husi komandante pntl eskuadra nain tolu likisa bazartete no maubara,inklui kordenador sira husi partidu politiku lima hanesan Khunto ,PLP, CNRT,Fretilin,no PD.
