Autoridade munisipio likisa hamutuk ho funsionario no komunidade sira halo limpeza geral iha munisipio likisa ,atividade limpeza nee bazeia ba sirkular neebe sai husi ministerio administrasaun estatal.
Administrador Munisipio Likisa Pedro Paulo Gomes hateten aktividade limpeza geral halo hodi garante nafatin ambiente mos no saudavel tamba dadaun nee kaju moras denge sae makas iha rai laran.
“ atividade limpeza nee liga ho ita nia ambiente ,ita presiza hadia ita nia munisipio likisa mos no livre husi foer ,no hadok an husi moras denge.”
Administrador apela ba komunidade hotu husi suku to aldeia atu mobiliza komunidade sira halo limpeza iha kda suku no aldeia iha kadaq semana iha loron sesta feira.
“ ba komunidade husi suku too aldeia tenki hamos ida idak nia hela fatin ,administrador sei hasai sirkular ba uma kain ida idak hodi hamos ida idak nia hela fatin.”
Atividade limpeza nee halo hetan partispasaun masimu husi funsionario autoridade sivil no militar iha munisipio likisa, inklui komunidade .
