Iha treinamentu arbitrazem no treinadores nian Segundu Komandante pntl Munisípiu Likisa Tobias Saldanha afirma arbitrazem ne`ebé profionál sei la kria violénsia durante iha aktividade desportivu.
Segundu Komandante pntl Munisípiu Likisa Tobias Saldanha imforma hanesan arbitrazem mantein pozisaun hodi realiza aktividade desportu husi inisiu to`o remata.
“ita boot sira hanesan arbitrazem ita boot sira maka lori atividade desportiva husi inisiu to’o ba rohan, uainhira heta liafuan professional katak ita nia implementasaun ne’e honestu, ita la disiplina ba suku ida ezemplu hanesan suku Dato ita inklina ba ema hela, mantein pozisaun hanesan arbitrazem hodi lori desportu ne’e ba to’o iha rohan sei iha implementasaun hotu tamba esperensia uainhira mosu ona krime mosu violensia tan deit arbitrazem ninian planu la zustu la honestu, tan ne’e durante loron lima tenke mudansa, saida maka ita boot sira aprende implementa tuir regras tuir nafatin saida maka regras arbritazem hodi lori desportu ne’e husi inisiu ba to’o remata ne’e maka dehan arbitrazem ne’ebé professional durante atividade desportiva hala’o”.
nia hatutan arbitrazem tenki mantein onestidade no tuir regra hodi evita violensia no krimi iha aktividade desportiva nian.
“ha’u hanesan seguransa tama atensaun ba ita boot sira, ita boot sira maka sai aplikandu ba iha desportu ida ita boot sira tenke mantein nafatin honestidade tuir regras para atividade desportu ne’e labele mosu fali violensia iha dalan klaran, ne’ebé mesmu ita husi suku ida ne’e ita nia suku maka tuir jogu ita mantein nafatin ita nia pozisaun ne’e maka ma dehan arbitrazem ne’e professional”.
Entertantu, hanesan seguransa husi komanndo pntl munisipiu likisa prontu apoiu seguransa tomak ba iha aktividade desportivu iha munisipiu likisa
