negosiante sira husi merkadu munisipal likisa husu polisia nasional timor leste tau sinais tranzitu iha merkadu hodi evita asidente trafegu.
Negosiante Carlos Araujo dos Santos husu ba parte tranzitu atu tau atensaun ba sirkulasaun movimentu nian liu-liu ba motorizada ho kamioneta sira atu tama no sai tuir sinais ne`ebé antes ne iha ona.
“ha’u hanesan komunidade joventude no mos negosiatente suku maumeta hakarak rekomenda katak sé bele karik tau atensaun ba ita nia serkulasaun motor no kareta liliu ba merkadu. tamba agora ne’e kareta balu tama husi ida ne’e balu mos tama husi ida ne’ebá, sé bele karik sentraliza buat ne’e lolos atu nune’e bele rezolve buat ida asidente, ezemplu kiik agora dadauk hanesan ita hare ne’e, ita oituan de’it maibé ita hare movimentasaun afeta tebe-tebes ba ita nia komunidade, sujere se bele karik hare tok kareta ho motor tama husi fatin ida sai mos husi fatin ida atu mune’e ita bele hare ho di’ak, bai-bain ha’u hatetebn iha kios balu ne’ebe besik iha estrada ibun sira mos bele impede movimentu transporte nia, ida ne’e hau sujere ba sr. komandante polisia.
Representante Komandante PNTL Munisípiu Likisa Polisia Komunitariu Manuel da Costa imforma tuir observasaun jovem barak maka laiha konsiensia no la kumpre sinais sira kona ba tama no sai nian.
enkuantu nia apela ba inan aman sira atu labele aturiza oan sira ne`ebé ho idade ki`ik atu utiliza tuc-tuc tamba sira seidauk iha karta kondusaun.
“buat ne’e bai-bain tiha ona tama husi lorosa’e sai husi loro monu, só ke ita liquiça konsiensia laiha liliu ba alin joven sira motor, bazai no kareta as vezes mai tama husi neba dalan ida ne’ebá ne’e atu sai de’it, tama husi tama husi lorosa’e sai husi loro monu no laran ne’e labele para ida para ne’e maka kareta sira husi foho, motor bazai la’os para iha ne’e para ne’e iha kraik ne’ebá so alin sira konsiensia laiha entaun arbiru de’it”.
Sekretario Administrador Munisípiu Likisa Antoninho da Silva Pinto afirma sei koordena ho parte relevante sira atu tau pesoal destakamentu balun hodi hare motorista sira ne`ebé kontra sinais transitu nian sei aplika sansaun ba sira.
“agora ida kona-ba sinais tranzitu ita haruka tiha ona tama husi lorosa’e sai husi loro monu mais laiha sinal ruma, sira ida ohin rona ne’e diak maibe sira la rona ne’e tenke tau sinal duni, ne’ebe ita kordena hamutuk ho parte relevante para tau ona sinal ruma iha pontu entra hodi fasilita ema para tama fali iha merkadu ne’e orsida sei ajuda liu tan kuandu destakamentu pessoal sira mai iha ne’e sira bele ajuda hare sese maka kontra ita bele aplika sansaun ruma ba sira, regra bele ajuda ita depois sira balu la kumpri regras ita tenke aplika sansaun para halo ema ne’e labele toman aan bebeik”.
PNTL munisípiu Likisa husu Motorista hotu atu redus velosidade wainhira tula pasazeirus sira no kompre nafatin sinais transitu nian.
