Komisaun funsaun publiku tersa feira nee fo formasaun ba agente administrasaun publiku no funsionario publiku nsira iha postu administrativu likisa vila.
Komisaria finansas publiku komisaun funsaun publiku Maria de Jesus Sarmento esplika formasaun nee nudar kna’ar ida husi komisaun funsaun publiku atu dezemvolve kareira funsionario sira nian.
“aktividade ne’ebé ohin halo posto administrativu likisa ho objetivu atu mai fo formasaun ba funsionarius no mos ba ajentes administrasaun publika nu’udar knaar ida husi comisaun funsaun publika oinsa atu bele dezenvolve ka fo dezenvolvimentu ba iha kareira ba funsionariu publiku sira.”
Formasaun nee halo hodi habelar knaar funsaun publiku nian,no mos oinsa bele habelar normas legais funsaun publiku nian ba funsionario sira.
“dalabarak iha nivel nasional ou nivel munisipiu central hetan informasaun balun maibe as vezes iha postu administrativus sira kuran liu ba informasaun tamba ne’e mak komisaun komesa habelar ninia servisu iha munisipiu nune’e mos ba to’o iha posto administrativos i ohin ami monu ba iha postu administrativu vila likisa ninian iha ne’e ami mai ho ekipa integradu la’os komisaun mesak maibe ekipa integradu ida ne’ebé mak hasa’e konesimentu funsionariu sira nian liliu iha kodiga etika iha funsaun publika no mos konaba boa governasaun.”
Ekipa integradu neebe fo formasaun ba funsionario no agente administrasaun publiku sira iha postu aadministrativu likisa vila kompostu husi komisaun funsaun publiku,probedoria dos diretus umanus no justisa,komisaun anti korupsaun, husi edukasaun no mos patrimonio do estadu.
“ tuir lolos ne’e sira laiha ona forsa atu mai halo servisu maibe sira sei kontinua.” Formasaun nee halo ba postu administrativu hotu iha teritorio nasional.
