Sesta feira nee autoridade local munisipal no nasional halo halo serimonia tara bandu iha suku hatukesi postu administrative likisa vila.
Xefe suku hatukesi Rosario dos Santos hateten atividade tara bandu nee halo ona iha 2017,no mai iha 2022 hamanas fila fali hodi fo hanoin nafatin ba komunidade sira atu kuidadu ambiente inklui patrimonio estadu nian neebe tau iha suku nee.
“ konsellu suku ita halo tiha tara bandu iha 2017,agora ita halo tan hodi hamanas fali tara bandu nee,ida nee entre ema ho ema ema ho animal inklui ema ho sasan estadu nian.”
Administrador postu administrative Likisa Vila Alberto Rosa Gomes esplika tara bandu nee nudar normas Bandu neebe komunnidade rasik maka halo.
“ida nee ita presiza duni tara bandu nee normas cultural neebe kesi ita iha suku no aldeia par nune’e ita banati tuir normas sira ne’ebe ita rasik maka halo.”
Sekretario estadu meu ambiente Deometrio do Amaral hatuta tara bandu nee importante atu regula no bandu ema ho ema ,ema ho animal ,ema ho sasan estadu .
“ hanesan administrador dehan ita respeita ema nia fen ,ita respeita ema nia oan sira ,ita la naran tolok ema ,ita la naran ataka ema.”
Sekretario estadu meu ambiente apela ba autoridade komunitaria sira habelar imformasaun ba komunidade sira kona lei tara bandu nian nunee sira bele hatene.
