Ss Liquiça Destaka Pesoál Saúde Iha Merkadu Maumeta

Servisu Saúde Munisipal Liquiça Destaka Ekipa Ida Iha Merkadu Munisípiu Likisá Hodi Fó Vasinasaun Covid-19 Ba Komunidade Sira.

Pesoál Saúde Ne’ebé Destaka Iha Merkadu Munisipál Likisá Fernando Da Conseição Ba Rct Tersa-Feira Ne’e Informa Servisu Saúde Munisipál Estabelese Ekipa Ne’e Kuaze Semana Rua Ona Hodi Fó Vasinasaun Kontra Covid-19 Ba Komunidade Sira Iha Área Refere.

Nia Relata Durante Destaka Iha Merkadu Munisipál Likisá Komuniade Kolabora Diak Tebes Ho Pesoál Saúde Sira Nune’e Kada Loron Ema Na’in 70 To’o 100 Mak Simu Vasina Kontra Covid-19.

“Durante Semana Rua Ona Iha Ne’e Maibé Ninia Durasaun Ne’e To`O Loron 12 Fulan Desembru Partisipasaun Komunidade Nian Maximu Tebes Iha Biban Ida Ne’e Mós Hetan Suporta Ida Ba Komunidade Sira Ne’bé Simu Vasina No Sei Hetan Pakote Ida Ho Sasan Hanesan Biskuit Sabaun Rinso Toalla No Seluk Tan Kada Loron Ema Na’in 70 To’o 100 Mak Simu Vasina Kontra Covid-19”

Mesmu Nune’e Prefesionál Saúde Ne’e Apela Nafatin Ba Sidadaun Ne’ebé Hala’o Atividade Negosiu Iha Merkadu Maumeta Atu Hakbesik An Ba Fatin Ne’ebé Instala Nune’e Bele Simu Vasina.

“Ba Komunidade Sira Ne’ebé Mai Bazar Keta Haluha Lori Kartaun Kinur Hodi Bele Simu Vasina Molok Loron 12 Fulan Desembru Ami Remata Se Ita Bo`Ot Sira Mai Maka Haluha La Lori Kartaun Kinur Ami Sei Falita Ita Bot Sira Ho Surat Tahan Mutin Hodi Simu Vasina Depois Maka Sei Tramsfere Fali Ba Sistema Kartaun Kinur Nian”

Pesoál Saúde Ne’ebé Destaka Iha Merkadu Liquiça Halo Atendimento Ba Komunidade Ne’ebé Seidauk Simu Vasina Doze Dahuluk Daruak No Mós Ba Sira Ne’ebé Seidauk Kompleta Doze Datoluk.

Enkuantu Pesoál Saúde Hirak Ne’e Destaka Hahú Husi Loron 11 Fulan-Novembru To’o Loron 12 Fulan-Dezembru Tinan Ne’e.