Segunda-Feira Ne’e Ministeriu Edukasaun Realiza Missa Abertura Ano Escolar Ba Tinan Letivu 2023.
Amu Parokia Sao Joao De Brito Liquiçá Natalino Verdial De Sousa Gama Iha Nia Evangellu Hateten Manorin Mak Sai Exemplu Ba Estudante Sira Hodi Bele Transforma Sira Ba Futuru Ida Diak Liu Iha Futuru.
Enkuantu Nia Husu Ba Estudante Sira Atu Aproveita Didiak Tempo Ne`Ebè Sira Iha Hodi Labele Halo Fali Ba Aktividade Seluk.
“Estudante Sira Tenki Aproveita Didiak Oportunidade Labele Uja Fali Tempo Ida Agora Ba Ne`E Ba Aktividade Seluk Se Imi Halo Ida Ne`E Imi Sei La Susesu Iha Futuru Tamba Ne`E Aproveita Ba Tempo Ida Ne`E Hodi Aprende Buat Ne`Ebe Bele Fasilita No Ajuda Imi Iha Tempo Ikus No Imi Sei Valor Ne`Ebe Diak Hodi Servi Rai Timor No Servi Maromak.
Amu Parokia Natalino Verdial De Sousa Gama Hatutan Estudante Sira Tenki Kumpri Sira Nia Dever Hodi Estuda No Aprende Barak Nune`E Bele Desemvolve Diak Liu Tan Estudante Sira Iha Futuru.
“Manorin Sira Tenki Eduka No Tau Atensaun Ba Estudante Sira Tamba Tuir Ha`U Nia Observasaun Banhira Ha`U Liu Iha Eskola Oin Ha`U Sempre Rona Estudante Sira Tolok Malu Iha Dalan Ninin Se Ida Ne`E Akontese Hela Deit Futuru Estudante Sira Nian Atu Ba Los Iha Ne`Ebe?
Tamba Ne`E Estudante Sira Nafatin Ha`U Apela Ba Imi Atu Kumpri Nafatin Imi Nia Dever Ida Hanesan Estudante Ne`E Hodi Estuda Barak Laos Deit Atu Estuda Maibé Tenki Mós Iha Pratika Tau Iha Hanoin Katak Ha`U Mós Hakarak Sai Ema Matenek Ida Hodi Lidera No Servi Ha`U Nia Rain No Servi Ha`U Nia Familia Liu Husi Grasa Nai Maromak Nian.
Enkuantu Iha Selebrasaun Missa Abertura Ne`E Hetan Partisipasaun Maximu Husi Manorin No Estudante Sira Husi Nivel Pre-Primaria Nivel Primaria Nivel Pre-Secundaria Nivel Secundaria Inklui Inan Aman Sira.
