Sekretariadu tékniku administrasaun eleitoral (stae) munisípiu liquiçá fasilita formasaun ba brigadista nain walu nulu resin-lima (85) hodi hatene lalao’ok brigadista sira nian ba iha prosesu eleisaun.
Director stae munisípiu liquiçá Mario dos Santos Martins esplika atu sai brigadista ida tenki hatene prosesu no lalao’ok servisu brigadista nian hodi halo apuramentu no kontagen votus iha sentru votasaun sira.
“ formasaun ida ne’e importante tebes ba brigada sira bele hatene sira bele hatene sira nia kna’ar hanesan brigada katak bainhira ita nia kna’ar ida ita tenki hatene ita nia kna’ar ne’e rasik, brigada sira tenki hatene kona-ba processu votasaun ne’se rasik kontagen no apuramentu prinsipal e materia seluk ida maka orsid ita boot sira sei hetan maka edukasaun votantes nian tamba aktividade ne’ebe stae halo ida maka edukasaun votantes”.
Mario dos Santos Martins apela ba brigadista sira atu partisipa maximu iha formasaun refere hodi eleva brigada sira nia koinesimentu.
“ ha’iu hanoin oportunidade ida ne’e brigada sira iha formasaun ida ne’e importante tebes tamba ne’e ita boot sira la hatene tenke husu ba formador sira labele nonok deit,hanoin katak nonok ne’e hatene maibe dalaruma nonok ne’e balu la hatene, atu melora ita boot sirania konesementu ne’e klean liu ba iha processu ida ne’e ha’u husu ba boot sira tenki husu barak ba formadore sira buat ne’ebe maka ita boot la hatene tamba ita boot sira nain 85 ne’e maka stae eskolia oprtunidade ita ne’e ita boot sira labele husik hela deit, maibe ita boot sira maka tenki buka hatene no konese tamba orsida ita boot sira ba tun iha sentru ita boot sira maka sai uniku iha fatin ne’eba orsida brigada sira transforma a’an ba sentru votasaun sentru ne’e laiha ema ida maka iha ne’eba itaboot sira maka aseguru tempu ida ne’e to’o remata”.
