Kooperativa buka dalan hari’i-an rasik (budahanra) hala’o asembleia hodi hili estutura foun no halibur ideia hodi hametin koperativa budahanra iha munisipiu liquiça.
Vice Presidente kooperativa Budahanra Hermino dos Santos imforma asembleia hanesan doutrina ida iha koperativa atu halibur ideia hamutuk hodi hili strutura foun.
“objetivu ba asenbleia jeral ne’e hanesan parte doutrina ida principiu iha koperatiba, katak koperatiba hotu-hotu atu moris bele diak ne’e tenke liu husi asenblea jeral atu nune’e para hotu-hotu nia partesipasaun iha ne’eba oinsa bele foti disizaun hamotuk, oinsa bele planu hamotuk ba aktividade ne’ebe ita halo. Mesmu hasoru dezafiu oioin asenblia mak hanesan intimu nukleu ida atu halibur ema ema hotu nia ideia par bele passa ba oin no balu assenbleia ne’e hanesan mos momentu ida ita bele fahe resultadu ita nia servisu iha tinaan hirak nia laran ou tinan ida”.
Hermino dos santos hatutan kooperativa ne’e laos ita mak hari maibe koperativa hahu kedas husi presidente nikolau lobatu nia tempu iha suku fahilebu.
“ movimentu koperativa ne’e laos kodigu mai husi ita nia hakarak rasik lae maibe mai husi ita nia heroi sira kedas ne’e maka ita nia saudosu nicolau lobato nia duni maka iha fundamentu hanoin katak hari koperatiba iha rai fahi- lebu, hanesan koperatiba produsaun desenvolve ida ne’e hanesn rasa ba ukunan ida ne’e liu husi produsaun”.
Koperativa buka dalan hari’i-an rasik (budahanra) dadaun ne’e hala’o ona parseriu ho governo.
