Xefi suku Darulete Tarciso dos Santos preokupa ho folin fos ne’ebé sae makas iha loja no iha merkadu sai problema bo’ot ba komunidade sira iha munisípiu liquiçá.
Autoridade suku ne’e imforma tuir ninia observasaun iha merkadu munisipal hatudu katak folin fos sae makas hodi fó impaktu ba komunidade liu-liu ba agrikultor sira.
“hau rasik observa no hau rasik hola no fos ne’e folin sa’e duni, maibe buat sira ne’e hatete bebeik ona sai bebeik iha media sai bebeik iha televizaun katak fos folin sae, hau rekomenda ba governu, governu tenki sai ekipa ida para tun hodi hare katak sasan ne’e folin hanusa husi governu mak hasa’e ga husi kompania ruma ga keta husi ema ne’ebe mak fan mak fos bele sa’e hanesan ne’e tamba ida ne’e bele araska povu bele mate”.
Lideransa komunitario ne’e husu ba estadu atu normaliza hikas folin fos iha merkadu nune’e populasaun iha baze bele sosa .
“ Tuir hau nia observa sasan nia folin Sa’e hotu ida ne’e maka rekomenda hela ba governu no kompetente sira ne’ebe toma konta ba sasan nia folin ne’e tenki tun hodi hare, ami observa hela lor-loron mak ne’e”.
Sefi suku ne’e husu ba governo atu tau ekipa ida ba halo monitorizasaun ba folin sasan nian iha merkadu nune’e bele hatene los motivo folin sasan sae.
