Xefi aldeia hatuquessi-lete deskontenti ho folin fos ne’ebé sae makas iha loja no iha merkadu munisipiu liquiçá.
Mariano Pereira dos santos hanesan xefi aldeia hateten ho folin fos ne’ebé sae makas sai problema bo’ot ba komunidade sira iha baze.
“Fos ne’e folin sa’e bebeik bebeik to’o fulan hira ona ne’e, agora nafatin hela de’it fos folin $17, $18 ida ne’e maka hau nia preokupasaun ba komunidade mais hau hanoin la to’o, governu ida agora ne’e oinsa fos folin sa’e bebeik ne’e, ba komunidade sira ne’e balun mak sosa bele, balun koitadu saku ida mos hola labele ba iha keos sira ne’e lata ha’at $1 dolar iha uma laran nain sia, nain sanulu resin aban ba fali $1 dolar koitadu araska los ida ne’e mak hau preokupa”.
Lideransa Komunitario Ne’e Rekomenda Ba Governo Atu Hatun Folin Fos Nune’e Komunidade Sira Bele Sosa.
“ Hau rekomenda ba governu oinsa hatun netik fos ne’e nia folin lae araska ba komunidade balun hola bele, balun hola la bele, fos mina sasan sira ne’e nia folin sa’e bebeik ne’e oinsa”.
Fos ne’ebé dadaun ne’e iha loja sira maka hanesan ho marka tali merah, globus, beruang merah,kuda ulun,mama cantik no nasi wangi ho kilograma 25 ho folin 18,50 no kilograma 20 ho folin 15.50.
