Relasiona ho mudansa klimatika ne’ebe daudaun ne’e akontese iha rai laran kauza husi hahalok ema nian.
Diretora Sentru Edukasaun no Imformasaun Meiu Ambiente Amenica Machado Fernandes hateten mudansa klimatika kauza husi intervensaun ema nian hanesan estraga aihoris ,sunu rai no soe lixu la tuir fatin.
“ Kauza iha mudansa klimátika ne’e iha faktores 2, ida naturalmente, rua atropogeniku ne’ebe ke barak liu ne’e akontese ne’e intervensaun ita ema nian ne’ebe asaun ida mak ita sunu rai ne’ebe hamosu karbonu dioksida I ita la iha gestaun lixu ne’ebe ke efektivu hanesan so’e lixu arbiru, dois ne’e produs gas lutana, I depois mos ita sunu rai, fuma sigaru, uza geleira ne’ebe ke la amigavel, uza AC ne’ebe ke la amigavel ne’e gas, gas sira ne’e mak hamutuk nia konsentrasaun liu ona konsentrasaun normal entaun fakun tiha ita nia mundu ne’e manas depois kauza ba iha manas global I hamosu mos mudansa klimátika”.
Dadaun ne’e diresaun nasional meiu ambiente esforsu hela ho atividade oioin atu oinsa bele minimiza mudansa klimatika iha rai laran.
“ Iha politika no progarama barak ne’ebe ke Diresaun Geral do Meu Ambiente halo agora dadauk ami tutela iha Ministeiru Turismu Ambiente kada diresaun halo aktividade hanesan dekarbonizasaun fo subvensaun ba komunidade oinsa kuda ai-oan fila fali hodi hatene katak ai-oan nia funsaun ida mak atu absorve karbonu dioksida gas ne’ebe hamosu mudansa klimátika, iha mos programa eskola verde iha munisipiu Liquiça ne’e husi sentru edukasaun no informasaun ambiental implementa iha EBC Kasait, iha EBC Lebutatalelo, iha mos EBC ida iha Loidahar”.
Diresaun nasional meiu ambiente apela ba sidadaun hotu atu kuidadu ambiente no labele tesi ai no sunu rai arbiru .
