Produs Vazu Aifunan Ho Ahu Ruin Tasi

Idalina Lopes produs vazu aifunan ho ahu ruin tasi hodi sustenta nia familia uma laran ,
Idalina Lopes hateten atividades loron-loron ne’ebé halo maka produz vazu aifunan ho ahu ruin tasi no mos atividades seluk maka homan sasan makerek nune’e bele sustenta nesesidade uma laran.
Idalina Lopes hatutan produz vazu aifunan nee todan maibe tamba dalaruma fatuk ne’e la iha, wainhira tasi boot mak fatuk ne’e foin iha, mais buka kleur foin mak hetan maibe la barak ida.vaju sira ne’ebe mak naton ne’e loron ida bele produz tolu, vaju ne’ebe boot loron ida bele halo rua, vaju boot ida ho folin Dollares sanulu resin tolu ( $. 13.00 ) kuandu ba hola to’o iha fatin bele hatun ba Dollares sanulu resi rua ( $.12.00 ) no vaju ne’ebe naton ho folin Dollares sanulu ( $. 10.00 ) bele mos hatun ba Dollares ualu ( $. 8.00 ).
Alende ne’e iha mos vaju ne’ebe ho folin Dollares lima ( $. 5.00 ), dollares tolu, centavus lima nulu ( $. 3.50 ) no vaju kiik liu ho folin Dollares rua, centavus luma nulu ( $. 2.50 ).
Oan husi Idalina Lopes Lucia Lopes Serrão senti kontenti no agradese tamba bele iha inan ida ne’ebe, maiske nia servisu todan, nia kontente nafatin halo ida ne’e atu nune’e bele sustenta ami nia ekonomi familia nian.
Idalina Lopes husu ba governu atu hare no tau matan ba nia no konstrui fatin seguru ida iha nia fatin atu nunee bele rai nia sasan nebee nia produs.