PNTL Munisípiu Liquiçá realiza retiru

Kuarta feira semana ne’e Komandante hamutuk ho estrutura Komandu,realiza retiru,konfensaun no missa iha edifisiu komandu PNTL Munisípiu Liquiçá.
Amu Kapelaun PNTL Abril Lopes hateten retiru ida ne’e atu ita halo refleksaun ba ita nia vida pesoal no hateke fila fali ba ita nia vida antes ita halo karik balu ladiak ita hadia no buat balu aat ita tenki husik atu ita simu Nai Kosok Oan,retitu ida ne’e halai liu ba iha enkontru espritual ema nian atu hadia nia aan atu prepara nia fuan simu Nai Jesus.
Amu Abril Lopes mos husu ba membro PNTL ida-idak atu tau iha sira nian aan los duni iha tempu ida nebe’e mak ita hasoru no ita prekupa ho ita nia servisu nudar membro polisia atu fo siguransa maibe keta haluhan ita ida-idak iha pessoal rua iha ita nia aan pessoal sidadania no ida pessoal religioza.
iha fatin hanesan Komandante Komandu PNTL Munisípiu Liquiçá Superintendente Polisia Umbelina dos Santos Soares hateten iha retiru ohin amu kolia liu kona ba Komandu PNTL tenki prepara nia aan atu simu ita nai kosok oan ne’ebe atu mai lori pas no dame labele halo problema ruma atu hasoru festa natal ho tinan foun ne’ebe mak mai ho hahalok sira ne’ebe violentu husu ba ema hotu-hotu atu hakribit sala hirak ne’e hodi nune’e bele simu loron natal kmanek ida ne’e ho pas, estabilidade, domin no dame iha família iha sosiadade nomos iha ita nia rai liu-liu iha ita nia Munisípiu Liquiçá no mos liu-liu ba jovemtude sira nia implementasaun domin ba ema hotu ba familia,kolega nomos ba iha sosiadade no mos maluk kualker ema sira ne’ebe mak iha ita nia moris ne’e ema hotu-hotu mesak ita nia família ita bele simu ho diak simu ho kontente moris iha Dame, Paz no hakmatek nia laran.
Partisipa iha retiru ne’e Komandante PNTL Munisípiu Liquiçá hamutuk ho estrutura Komandu Polisia Nasionál Timor Leste, família no Sarani sira ne’ebe hela besik iha Komandu.