Negosiante katupa loes husu ba governu atu tau matan ba sira nia negosio tamba ladun hetan rendimentu.
Neegosiante Elder Madeira hateten kada loron sira hetan deit dolar rua nulu mai kraik hodi sustenta familia uma laran no selu oan sira ba escola .
“hanesan negosiante iha loes vatuboro municipio likisa ami iha nee maka hanesan bain-bain hanesan fan katupa nan-manu no manu timor , neebe ami prepara iha meza neebe durante tinan rua nia laran ami hetan rendimentu hanesan lorloron maka dada loron ami hetan maka (10$) ba to’o (20$) ho deit dolar sanulu ba to’o dolar rua nulu osan ida nee hodi sustenta ba uma laran no selu oan sira ba escola”.
Negosiante Salvador dos Santos mos akresenta katak negosiante sira kada loron hetan rendimentu dolar rua nulu mai kraik.
“ami nia produtu neebe ami prepara iha nee maka hanesan batar ikan neebe barak liu ami uza barak maka hahan neebe husi ami nia to’os hanesan hahan lokal sira , neebe ho tempu ida agora nee tamba tempu udan se tempu udan ami araska neebe kada loron ami hetan maka dolar rua nulu ba leten kada loron”.
Negosiante salvador dos santos husu ba governu atu tau matan ba sira nia fatin katupa loes atu nunee ba futuru hodi muda sira nia moris
“ hau husu ba governu atu tau matan ba ami nia fatin ida nee tamba ami maka hadia ami nia fatin mos ladun seguru mai ami tamba mota loes mos agora dadaun fo ameasa bo’ot mai lubuk ida neebe buka moris iha ponte loes”.
Negosiante Salvador dos Santos no Elder Madeira de Araujo Daudaun ne’e kontinua sira atividade negosiu iha ponte loes kontinua la’o normal hanesan baibain.
