Uma kain ida iha aldeia kamalelara estragus total husi inundasaun

0
103 views

Uma kain ida iha aldeia kamalelara suku dato postu administrativu likisa vila hetan estragus total husi inundasaun.

Relasiona ho udan bot kuaze oras rua rejulta inundasaun mosu hodi afeta ba uma komunidade nian inklui fasilidade publiku sira hanesan estrada no rin eletrissidade balun monu.

Vitima Terezinha Godino Tilman hateten bee ne’ebe tama sira nia hela fatin kauza husi valeta ne’ebe klot halo bee labele halai ho diak ikus mai rejulta bee tama ba sira nia hela fatin no estraga sasan uma laran.

“ uma ida nee kada tinan-tinan akontese hela deit maibe ladun ida soke tina ida nee ema hadia estrada iha leten neeba sira halo valeta nee metin los neebe udan kuandu mai bo’ot entaun bee nee salin an tun mai los uma neebe mai nee los deit neebe estraga hotu uma laran hanesan sasan kik-oan sira nee bee lori hotu hanesan tasu sana jelera no labarik sira nia farda escola ba buka tuir maka hetan fale roupa sira nee iha mota karik ne’e”.

Komunidade Januario da Silva rekomenda ba ministerio obras publika atu tun ba terenu hodi hare kondisaun valeta sira nune’e labele fo impaktu bebeik ba komunidade sira bainhira tempu udan.

“ impaktu husi bee tama mai nee tamba impaktu husi kompania halo estrada nee klot liu no valeta sira la suru ida neebe kuandu udan mai nee bee tun mai estraga ema nia sasan sira nee neebe kompania tenki hare mos estrada no valeta nee tenki hadia selae maka kuandu udan mai mosu inundasaun nafatin estraga ema nia hudi batar no lutu”.

Tempu hanesan delegada aldeia kamalelara Esperansa de Jesus dos Santos ejiji ba ministerio relevante sira atu tun direta ba terenu hodi hare komunidade sira ne’ebe afeta ba inundasaun ne’e.

“ akontese udan nee iha uma kain lima (5) maka hetan estraga husi mota ,maibe sira rasik maka hadia mos iha sorin parte kamalelara hau husu mos ba obras publik atu tau matan ba estrada no valeta ida neeba kompania mos tenki halo valeta nee luan atu nunee bee nee mai halai tuir valeta no halo estrada nee labele halo tomak deit selae bee nee tun mai nee salin tun hotu ba komunidade nia uma entaun estraga komunidade nia uma komunidade nia sasan uma laran dapur no komunidade nia batar lutu nee be lori hotu”.

Uma kain ne’ebe hetan estragus la konsege salva sasan uma laran inklui dokumentos no atributu eskola nian
To’o imformasaun ne’e fo sai Radio Komunidade Tokodede maibe seidauk hetan komentario husi parte protesaun sivil munisipiu likisa tamba sei iha prosesu verifikasaun.

0 0 votes
Article Rating
Subscribe
Notify of
guest
0 Comments
Inline Feedbacks
View all comments