Autoridade Lokal Suku Hatukesi Hamutuk Ho Autoridade Postu Admnistrativo Liquiça Organiza Atividade Tara Bandu Iha Suku Hatukesi Posto administrativu Liquiça vila Municipio Liquiça.
Xefi suku hatukesi Zeto Vidigal Sampaio hateten, tara banadu ne’e nudar kustumi tradisional desde tempu bei ala sira nian ho objetivu atu kesi ema hodi bele respeitu malu no mos atu ema labele estraga aihoris no animal arbiru.
“ami kria ami nia lei internal suku nian halai liu ba kultura kustumi se nia estraga ema ida , hanesan umane mane foun nia kona sansaun liu husi umane mane foun nia ba book joven feto ida neebe depois nia la iha responsablidade nee ita tesi tuir lisan no kultura neebe maka ami hatur ona iha regras iha suku nian, karik ba foti ema nia aihoris neebe maka laos nia kintal nee mos iha sansaun atu fo ba ema neebe maka foti sasan”.
Zeto Vidigal Sampaio hatutan, iha regulamentu tara bandu ne’e rasik bainhira sidadaun sira kontra maka sei hetan sansaun hanesan sei fo osan ho montante dolar atus lima(500) ho karau ida.
“iha sansaun nee liga ho grupu arte marsiais lori povu husi suku seluk mai estraga ami nia suku nee kona sansaun kinentus dolar karau ida atu tara fila fali ba bandu refere hanesan mos feto klosan no mane katuas nia sansaun nee mos hanesan 500 dolar karau ida atu nunee bele tara fila fali bandu nee”.
Tempu hanesan administrador postu administrativu Liquiça Alberto Rosa Gomes kongratula menbru konsellu suku hatukesi ne’ebe inisia atividade tara bandu iha suku refere husu ba sidadaun sira atu respetu regulamentu tara bandu ne’e.
“hau nia kongratula ba suku hatukesi no nia aldeia (8) ualu liga ho prosesu tarabandu ida nee inisiativa diak husi xefi suku eleitu neebe apresia tebes ho inisiativa tebes husi xefi suku eleitu tamba nia foin eleitu sidauk to’o tinan maibe nia halo ona tarabandu ho nunee husu nafatin ba ita nia entidades no komunidade sira atu hatene didiak sentidu husi tarabandu nee maka saida neebe sentidu husi tarabandu nee maka atu respeita malu respeita ita nia ambiente no natureza respeita ita nia maluk sira atu nunee tarabandu ida nee iha nia valor”.
Iha aktividade tara bandu ne’e hetan partisipasaun maximu husi autoridade postu administrativu Liquiça, autoridade suku hatukesi ho nia estrutura no komunidade sira.
