Tempu udan komunidade uma kain besik rihun ida iha bairu nunmatada aldeia Darmudapu suku Maumeta postu administratiivu Bazartete munisipiu Liquiça konsumu deit udan been tamba bee nebe’e antes ne’e dada ba sira nia bairu la funsiona.
Rezidente Leonito Correia dos Santos imforma kuaze fulan ida resin ona sira la asesu ba bee ne’ebe antes ne’e kanaliza ba sira tamba ne’e sira tenki konsumu deit udan been.
“ami kuru be’e iha mota dalarauma hadau malu bee ida iha mota laran nebe sai iha neba husi pnds lauhata nian nee maka ammi ba hadau malu bee iha neba no ba haris laiha ona taien moz laiha ona ami afeita tebes ba be’e mos maibe situasaun mak halo ita tenke lao tuir. Fulan ida nia laran ona be’e nebe instala husi foho la mai tamba mota lori tia kanu entaun kominidade la asesu ba be’e mos”.
Xei aldeia Darmudapu Augusto Barreto dos Santos hateten, kanu distribuisaun bee mos ba komunidade sira hetan estragus husi mota tamba ne’e fornesimentu bee mos ba komunidade sira paradu nia parte husu ba BTL munisipio likisa atu hadia lalais fasilidade neebe at nune’e fornese bee ba komunidade
“ba ministeriu kompantete sira nebe toma konta ba iha bee hanesan sas semasa ho btl atu bele hare oinsa atu kanaliza fila fali be’e nebe atu instala mai iha komunidade hodi asesu hanesan tempu baibain”.
Ba kestaun ne’e radio tokodede tenta komfirma ho responsabel BTL,EP iha munisipio likisa maibe’e laiha fatin tamba halao hela asuntu servisu seluk.
