Populasaun suku hat iha postu administrative likisa ejije ba kompania atu aselera lalais distribuisaun sesta bazika .
Napoleão dos santos komunidade suku darulete lamenta tamba suku sira seluk simu hotu ona maibe suku hat hanesan suku lukulai ,suku darulete ,suku asumanu no suku leotala seidauk simu,tamba nee nia husu atu kompania tenki aselera lalais distribuisaun sesta bazika ba komunidade sira nunee bele apoio ba nesesidade durante implementasaun serca sanitaria.
“Kuaze suku iha timor laran simu hotu ona maibe ami seidauk simu ,ami hanesan komunidade ejije ,ema hotu hotu simu ona tamba saida maka ami seidauk simu,depois agora estadu halo lockdown .”
Sorin seluk xefi suku asumanu Benardinu Martins hateten too agora seidauk hetan kontaktu ruma husi kompania distribuitor,tamba nee komunidade sira ejije atu distribui ona sesta bazika ba sira nune bele sustenta sira nia nesesidade lorloron nian.
“Los duni katak too agora ita seidauk hetan kontaktu mai husi kompania fornesedor ,ita nia komunidade hotu hotu ejije hela tamba antes nee ita hadia tiha dalan para depois bele fornese sasan sesta bazika maibe too agora seidauk iha rejultadu.”
Hatan ba preokupasaun hirak nee diretur kompania gren mota ain Domingos soares Pereira via telephone kuarta feira 17/03/2021 nee hateten sasan pronto ona atu distribui maibe sei haree ba situasaun implementasaun serca sanitaria entaun sei hein ba desizaun serca saniatario remata foin bele hahu distribuisaun .
“Hare ba ita nia situasaun global ,ita nia situasaun iha rai laran governu hatur hela esatdu emergensia ,neebe buat sira nee maka impede hela ita nia distribuisaun ,sasan prontu hela so ke situsaun maka halo ita labele bok an.”
Kompania neebe responsavel ba distribuisaun cesta bazika ba postu administrativu likisa maka kompania gren motain,tuir nain ba kompania katak sasan ba suku hat nian pronto ona ,maibee hein desizaun serca sanitario remata foin bele hahu distribui sesta bazika ba suku 4 refere.
Jornalista : Eduado Exposto
Edito : Leoneto Santos
