Tuir informasaun neebe ekipa saude munisipio likisa simu husi nasional katak iha pasiente nain rua pozitivu ba covid -19 husi munisipio likisa,tamba nee ekipa vizilansia ohin halo ona investigasaun ba iha familia neebe halo kontaktu antes ho pasiente pozitivu nain 2.
Responsavel vizilansia iha munisipio likisa Mariana Alves Ribeiro Soares esplika tuir imformasaun neebe ekipa saude munisipio simu husi nasional katak iha pasiente nain 2 husi munisipio likisa pozitivu covid-19,kazu nee detekta iha nasional.
“ita la espera katak ida nee bele akontese,ita rona imformasaun husi nasional katak ita nia ema nain 2 maka pozitivu ,maibee detekta iha hospital boot,entaun ekipa tenki halo investigasaun atu nunee ita bele buka tuir ema neebe sira kontaktu ba iha loron rua ou loron tolu antes ba atu nunee ita bele hatene katak nia kontaktu ho ema sira nee too iha neebe.”
Ekipa laboratoriun Munispio Likisa sei halo teste ba ema neebe halo kontaktu ba pasiente refere iha loron rua ou loron tolu antes.
“ohin halo investigasaun aban dadersan ekipa laboratoriun munisipio likisa ninian ho ekipa vijilansia tun mai halo teste swap, ohin ami halo ona investigasaun ba ema nain sanunlu resin,aban ami sei ba buka tuir ema neebe kontaktu besik pasiente maka nia familia no nia oan iha lisadila.”
tuir investigasaun neebe ekipa saude halo identifika ema nain sanulu resin maka halo kontaktu ho pasiente refere,no aban sei halo teste swap, inklui nia familia no nia oan neebe kontaktu besik iha Lisadila Postu Administrative Maubara
Pasiente Nain 2 Neebe Pozitivu Agora Dadaun Lori Ona Ba Iha Sala Izolamentu Vera Cruz
Jornalista : Eduado Exposto
Editor : Leoneto Santos
