Liquica- Sabadu fim de Semana ne Asosiasaun Estudante Munisipio Likisa realiza kongresu ba Daruak hodi hili Estrutura foun ba Asemul Periodo 2021-2023 tuir Estatutu Asemul nian.
Iha kongresu neebe hala’o iha Sede Asemul Kamalelara Sabadu nee kogresista sira hili Nelson da Silva Soares hodi Asumi knaar Prezidenti Asemul Periodo Tinan rua.
Prezidenti Eleito nee agaradese ba komfiansa husi membru Asemul sira nian,no promete sei servisu hamutuk ho estrutura no menbru sira hotu hodi lori Asemul ba oin.
“ mai ita hamutuk ita halao atividade sira neebe estrutura anterior halao no presiza ita hotu nia hamutuk hodi servisu diak liu tan lori Asemul ba oin ( dehan nia ).”
Sorin seluk prezidenti Sesante Asemul Herminio dos Santos husu estrutura foun atu halo koperasaun nafatin ho estrutura anterior no menbru sira hotu atu halao servisu diak liu tan.
“hanesan Presidenti sesante lori estrutura no membru sira kontinua enkoraja no motiva kolega sira Eleitu atu kontinua atividade sira nebe halao ona no ami sei hamutuk hodi halao programa sira neebe trasa ona”.
Iha kongresu nee partisipa husi estudante Universitario Munisipio Likisa, Estudante husi Eskola Sekundario Tekniku Vokasional , Sekundario geral ,no Sekundario Katolika.
