Serimonia ba komemorasaun loron Nasional 28 Novembru ba dala 46 iha Munisipio Likisa,ekipa komisaun organizadora deside transporte tum tum maka sei tula bainaka sira.
Diretur rekursus umanus munisipio Likisa Deonizio da Costa hanesan mos responsavel ba sesaun komemorasaun nian hateten bainaka sira neebe atu mai partisipa iha isar bandeira sei konsentra iha Administrasaun Munisipio depois maka tum tum maka sei tula ba iha fatin serimonia iha kampo Futubol Likisa.
“ ita nia bainaka sira mai sei konsentra hotu iha administrasaun munispio ,depois maka tum tum maka sei tula sira mai no akompana ho drum band hus kolegio săo jose operario.”
Komisaun organizadora deside ona misa komerasaun nian sei halo iha loron sabadu 27 tuku 6:30 iha igreja parokia sao joao de britu likisa no sei lori mos aifuna ba tau iha jardim dos herois likisa.
Depois de isar bandeira sei iha mos atividade animasaun sira hanesan tata berlindus halai karon sae bua no seluk tan.
