Hafoin partisipa iha eventu bero halai taru iha koni likisa hodi komemora loron proklamasaun independensia ba dala 46 iha munisipio Likisa xefe suku asumanu Bernardino dos Santos husu atu kontinua nafatin .
iha intervista xefe suku senti orgullu ho atividade ba komemorasaun nian, nunee ema hotu senti komemorasaun loron nasional sira .
“ hanesan lider komunitario senti orgullu tamba komemorasaun loron nasional nee presiza ho atividade sira hanesan nee, no sujere atu atividade hanesan nee tenki kontinua.”
xefe suku mos rekomenda ba autoridade kompetente sira atu ba oin tenki tau orsamentu bot ba eventu komemorasaun sira nunee ema hotun bele senti nain ba loron historiku sira.
“ ba oin presiza tau orsamentu bot ba atividade komemorasaun atu nunee bele fo satisifasaun ba ita nia komunidade sira hodi senti komemorasaun loron nasional nee besik ba sira.”
Nia mos sujere atu komunidade tomak nia partisipasaun tenki masimu nunee hametin historia luta nasaun timor leste nian ba futuru.
