Grupo feto foin sae timor lorosa’e tersa feira ne’e/hamutuk ho parseiru autoridade no komunidade sira selebra loron 16 kampanha ativista kontra violensia bazeia ba generu ho tema lae ona ba violensia hasoru feto no labarik feto, iha suku metagou posto administrativu bazartete.
Diretora ezekutiva GFFTL Ismenia Laura Ximenes esplika selebrasaun ne’e atu fahe informasaun ba komunidade kona ba asuntu igualidade generu.
“ selebtasaun ida nee atu hasae konesimetu komunidade nian kona ba oinsa bele redus vilensdia hasoru feto no labarik.”
Xefe suku metagou Salvador Santos Gomes apresia programa gfftl ne’ebe realiza iha suku, nune’e komunidade sira bele rona rasik hodi kontribui ba elimina violensia kontra feto no labarik feto hahu husi baze.
Komunidade rosa sarmentu konsidera kampanha ne’ebe gfftl hala’o iha metagou nu’udar dalan hodi luta ba violensia kontra feto no labarik sira.
Kampanha ne’e realiza tamba servisu hamutuk ho organizasaun sosiedade sivil sira hanesan fhtl, agmf, hak, care internasional no hetan fundu husi ajensia internasional watter aid.
