Ministériu administrasaun estatal liu husi diresaun nasionál do planeamentu desemvolvimentu integradu munisipal kinta-feira ne`e realiza formasaun kona ba rejime juridiku aprovizonamentu pdim pre-kualifikasaun ba funsionario sira iha administrasaun munisipio likisa.
Asesor pdim ministériu estatal jaco da cruz goveia leite imforma formasaun ne`e atu hasa`e koñesementu ba membru servisu munisipal sira ne`ebé tutela ba, oinsa atu hatene prosedimentu lei pdim nian.
Jaco da cruz goveia leite apela ba funsionariu sira atu aproveita tempo liu husi formasaun refere atu hasa`e koñesementu liu-liu iha area aprovizonamentu nian.
Iha formasaun ne`e partisipante mai husi servisu munisipal aprovizonamentu, servisu munisipal planeamentu integradu desemvolvimentu, agensia planeamentu no tekniku sira inklui servisu munisipal sira ne`ebé tutela ba. Enkuantu formasaun refere hala`o durante loron rua.
