Fundasaun hamutuk iha diversidade ba asaun (codiva) hanesan organigasaun ba servisu direitu komunidade lgbti tersa-feira ohin halo dezaminiasaun kona ba orientasaun seksual identidade no espresaun jéneru no karakteristika seksual liga ho direitus umanus ba lider komunitariu sira iha munisipiu likisa.
Direktora exekutivu codiva Laura Afonso de Jesus explika konteudu husi dezaminasaun ba lider komunitariu sira oinsa atu intende diak faktores ba komunidade lgbti sira hodi bele rfere ba no fo asistensia ba sira.
“Konteudu sosializasaun nee atu autoridade lokal sira bele hatene kona ba fator sira liga ba komunidade lgbti ,nune bainhira kaju ruma akontese iha suku autoridade lokal sira bele hatene ona atu refere kaju nee ba neebe.”
fundasaun codiva iha programa ida hanesan kuidadu kliente ne`ebé parseria ho redfe referal hodi fo asistensia legal ba komunidade lgbti wainhira hetan estigma husi sosiedade.
Xefe suku asumanu Bernadino Martins imforma sosiedade labele halo deskrinnasaun no separasaun ba komunidae lgbti sira tamba ema hotu moris mai ho nia originalidade ne`ebe diferente presiza fo espasu ba liberdade moris.
“Ita hotu hotu tenki hatene kona moris hanesan mos ema sira lgbti,katak ema hotu moris ho liberdade atu uja nia moris nee no labele iha ema seluk atu halo diskrimanasaun ba nia moris.”
Codiva hanesan organizasaun rede ne`ebe maka hari`i iha tinan 2014 no registada legalmente iha ngo forum no ministeriu justisa hanesan organizasaun ne`ebe luta kontra deskriminisaun no violénsia hasoru komunidade lgbti iha timor-leste.
