Komando PNTL Munisipio Likisa iha ona Trasnporte neebe sufisiente ho halo deslokasaun ba Sentru no Estasaun Votu sira iha Munisipio Likisa.
Komandante Polisia Munisipio Likisa Umbelina dos Santos Soares hateten tranporte iha komando PNTL likisa dadaun nee sufisiente hela tanba Ofisial Polisia Suku sira iha motorizada ida idak hodi halo servisu.
“ ami iha eskuadra tolu iha kareta no motorizada,liuliu ba OPS sira iha ona motorizada ida ida hodi halo servisu.”
Komandate nee hatutan mesmu iha difikuldade balun maibee nee la sai bareira ba komando PNTL nia servisu.
“ la signifika katak ida nee atu hamate ami nia servisu operasional,maibee ami prontu nafatin ho rekursu neebe iha hodi halo servisu.”
Komandante nee husu ba komunidade hotu atu kontribui hodi ba estabilidade hakmatek iha munisipio likisa hodi fo susesu ba Eleisaun Prezidensial tinan 2022.
