Ministerio administrasaun estatal tersa feira nee fo pose ba administrador postu administrativu bazartete no maubara,hodi kontinua lidera administrasaun postu administrativu ba tinan lima.
Vise Ministru Administrasaun Estatal Lino de Jesus Torrezão iha nia intervensaun husu Administrador Postu Foun atu servisu tuir lei poder lokal administrasaun nian.
“serimonia tomada de pose ida nee hau hakarak fo hanoin hikas funsaun administrador postu administrativu ninian atu halao nia kompetensia tuir lei neebe iha.”
Administrador sesante Postu Administrativu Bazartete João Nascimento Braz husu ba adminisrador foun atu kontinua implementa programa sira neebe durante nee halao iha postu administrativu.
“ ba administrador emposado kontinua halao no fo apoio programa neebe ita halao ona ,no kontinua implementa programa munisipal neebe ita halao ona.”
Tempo hanesan
Administrador sesante Postu Administrativu Maubara Dominigos Alves Correia agradese ba autoridade lokal no liñas ministeriais hotu ne`ebé apoiu onja durante nia mandatu.
“ agradese ba Xefe Suku sira durante hahu nia mandatu durante tinan 5 fulan 10,problema ita bele hasoru maibe ita konsege halao,agradese ba entidadesm hotu neebe fo apoio ba hau durante hau nia mandatu.”
Vise Ministru Administrasaun Estatal Lino de Jesus Torrezão afirma ba Administrador postu administrativu foun bainhira hala`o mandatu atu kumpri dekretu lei artigu 5 numerú 3/ 2016 ba prinsípiu legalidade,espesialidade servi ba interese públiku no boa administrasaun.
Enkuantu administrador postu administrativu rua ne`ebé simu posse hanesan administrador postu administrativu bazartete , Amaro Pereira no Administrador Postu Administrativu Maubara Deonizio Husnat.
