Secretaria Estadu Komunikasaun Sosial (Secoms) organiza retiru durante loron rua iha Administrasaun Munisipio Likisa hodi avalia progresu servisu tinan 2021 nian.
Secretario Estadu Komunikasaun Sosial Mericio Juvinal dos Reis “Akara” husu ba diresaun servisu sira iha Secoms atu tau planu programa ba kada fulan tolu nune’e bele halao servisu tuir prioridade neebe iha.
“ Orsamentu ba Programa nee maka tenki iha output,ezekusaun tuir nia dalan kalae,hau husu ba diresaun hotu tenki iha prioridade ba kada fulan tolu.”
Secoms husu diresaun servisu sira atu halao retiru nee ho seriu nunee bele iha rejultadu.
“ retiru nee loron rua hau husu para halo ho seriu,hatene saida maka liu tinan kotuk no saida maka ita atu hadia baoin,tenki ho seriu hodi tau ita nia frakeza iha neebe ita nia forsa iha neebe ,saida maka ita susesu no la susesu.”
Administrador Munisipio Likisa Pedro Paulo Gomes orgullu ho atividade neebe secoms halao liuliu iha parte komunikasaun nian hodi partilla imformasaun ba iha publiku.
“ agradese nafatin ba ita bot sira liuliu ba Sekretario Estadu neebe iha hanoin diak,tamba importante progresu servisu tenki fo sai ba Publiku tenki hatene.”
Retiru nee halo durante loron rua hahu ohin no sei termina iha loron aban, partisipa iha retiru nee mai husi diresaun serivisu sira iha Sekretaria Estadu komunikasaun Sosial.
