Kandidatu Presidente Republika ho numeiru sorteiu 16 Mariano Assanami Sabinu Lopes domingo horseik halo kampaña aberta iha kampu futebol Munisípiu Likisa.
Koordenador Partidu Demokratiku Municipio Likisa José da Costa Pereira Honorio iha nia intervensaun Hateten estrutura PD iha munisipio likisa esforsu makas hodi lori vitoria ba kandidatu Assanami ba tur iha Ai Tarak laran.
“ ita oferese Assanami ba Prezidenti laos deit ba ema riku sira ,maibee ba ema hotu,kandidatu balu dehan manan iha likisa,kandidatu PD nian mos tenki manan, dehan Jose Honorio”
Sekretariu geral Partidu Demokratiku Antonio da Conceição (kalohan) husu povu likisa atu vota ba Assanami hodi hadia Dezemvolvimentu nasaun ba oin.
“tinan lima ona ita lao hakdasak ,ita tun husi Bazartete mai mos susar ,apalai Maubara susar par mate tamba dezemvolvimentu la lao.”
Kandidatu Mariano Assanami Sabinu Lopes hateten nia kandidatu an ba Prezidenti Republika laos atu kompete ,maibe atu dezemvolvimentu ida neebe sustentabel ba ema hotu.
“ hau hamrik nudar kandidatu laos atu kompete ho aman sira,maibee hau hamrik hodi kumpri aman sira nia komitmentu atu halo tranzisaun jerasional.”
Iha kanpaña Presidensial ne`e hetan siguransa maximu husi pntl munisípiu likisa no hetan mos observador husi CNE ho observador Nasional no Internasional.
