Diresaun servisu edukasaun munisipio likisa nafatin fo atensaun ba kada eskola sira neébe hetan ajuda husi parseiru sira liliu ba bee mos no sintina inkluzivu sira.
Xefe departementu programatika edukasaun munisipio likisa João Pinto dos Santos hateten iha eskola lubuk ida maka hetan ajudus husi parseiru sira ,tamba nee parte edukasaun nafatin fo atensaun hodi kuidadu fasilidade neébe parseiru sira tau iha kada eskola.
“ los duni ita iha parseiru water aid nebe’e ajuda ona edukasaun liuliu ba eskola sira iha munisipio likisa kona ba sintina inkluzivu,utilizasaun eskola sempre uja,atu asegura ba oin maka ami sempre halo enkontru rutina ho diretur eskola sira para atu bele asegura fasilidade sira. ”
Edukasaun nafatin fo orientasaun ba eskola sira atu matein ijene ba fasilidade sintina neébe parseiru sira oferese hodi bele uja ba tempu naruk nia laran.
“ ami sempre fo orientasaun ba sira atu nueé bele tau atensaun ba ajudus neébe parseiru sira ajuda mai ita liliu liga ba ninia ijiene no kondisaun nuneé bele uja ba tempu naruk.”
Iha munisipio likisa kuaze eskola lubuk ida maka parseiru sira ajuda halo sintina inkluzivu,no seluk tan.
