Sentru saude likisa vila rejista moras ispa ho numeru as durante fulan janeiru too maio ,alem de moras ispa rejistu mos moras sira seluk hanesan dengue.
Xefe sentru saude likisa vila Beatriz filomena hateten parte saude nafatin halo esforsu hodi redus moras nee, maibee fila ba konsiensia ema ida idak nian oinsa bele prevene an.
“ Iha sentru saude likisa, Postu Likisa kazu ne’ebe barak husi fulan janeiro to’o mai agora ne’e maka moras mear ema bolu Infeksi Saluran Pernapasan (ISPA ), kazu ne’e maka maioria boot liu iha Postu Likisa. Aleinde moras ISPA iha mos moras sira seluk hanesan Diarea, Tee Been, Denge maibe nia numeru la boot ida ”.
Ekipa saude sira nafatin fahe imformasaun ba komunidade sira oinsa bele kuidadu ida idak nia an husi moras sira no husu atu komunidade sira nafatin hakbesik an ba fasilidade ssaude hodi hetan tratamentu.
“husi parte saude meius ne’ebe halo maka ami sempre nafatin fahe informasaun, maibe atu halakon moras ne’e fila fali ba konsiensia husi ema ida-idak nia, presiza ita nia oan sira moras me’ar , iis boot tenke lori lalais mai fasilidade saude labele ba buka fali ba ita nia matan dook sira, rai rahun ita hotu-hotu hateten uza masker ne’e dehan ta’uk tamba Covid maibe masker ne’e ninian vantazen boot liu ba ita, uza masker atu nune’e Ahi su’ar no Rai rahun sira ne’e labele kona mai ita.”
Pesoal saude sira mos nafatin husu ema hotu utliza maskra nunee bele hadok an husi moras.
