Kondisaun Estrada husi Diresaun Ponte Loes ba suku Lisadila kontinua aat sai preokupasaun ba komunidade sira.
pedro da costa tantomo motorista transporte públiku diresaun dili – lissadila informa loron-loron sempre transporta komunidade ho sira nia produtu husi lissadila ba dili maibé dadaun ne’e hasoru difikuldade tanba kondisaun estrada husi loes ba lissadila ho kondisaun la diak nune’e prejudika sira nia movimentu iha área refere.
“Nu’udar kondutor ne’ebé maka halo viagen husi suku disadila ba to’o Dili problema ne’ebé ami hasoru maka dalan at hodi difikulta ha’u nia servisu hanesan kondutor kada vez halo ha’u nia semangat (vontade) laiha”
Xefe aldeia nunulisa lissadila jaimito correia informa situasaun estrada refere autoridade suku sempre aprejenta ba autoridade kompetente sira maibé too oras ne’e nafatin laiha solusaun.
“Enkontru tinan ba tinan ami relata ba obras públiku tamba povu nia produtu ai-han kalan loron lori ba Dili maibé to’o agora governu nunka mais atu tau matan ba Estrada ne’ebé at maibé problema sira ne’e hotu to’o agora laiha rezultadu”
Too notísia ne’e fo públika rct seidauk iha konfirmasaun ho diresaun kompetente munisipal.
