Komando PNTL Munisipio likisa Hamutuk ho F-FDTL Destakado Iha munisipio Likisa apela ba negosiante sira atu labele faan tua iha loron 24 -25 dezembru no loron 31 no 01 fulan janeiru nune’e labele hamosu provokasaun ba movimentu komunidade nian.
Liu husi Komferensia iimprensa tersa feira ne’e iha komando Munisipio Likisa Komandante PNTL superintendente assistente Polisia Umbelina dos Santos Soares husu atu labele faan tua iha Estrada publiku hodi bele kontribui ba situasaun hakmatek durante selebrasaun Natal no tinan Foun.
“apela mos negosiante sira ne’ebe fa’an tua iha dalan Publiku hahu husi maubara too bazartete atu labele faan tua iha loron 24 no loron 25 fulan dezembru,no loron 31 no loron 1 fulan jaaneiru 2023,proivido atu hemu tua iha fatin faan tua hodi labele hamosu provokasaun ba komunidade.
Parte seguransa husu ema hotu atu kontribui ba situasaun hakmatek iha Munisipio Likisa durante slebrasaun Loron Natal No tinan foun.
