Komunidade iha aldeia Quirilelo suku dato Postu administrative Likisa vila labele asesu ba transporte publiku tamba tempu udan Estrada neebe liga ba aldeia refere nakonu ho tahu.
Ho kondisaun Estrada ladiak komunidade sira obrigado tenki lao ain kuaze kilometru 3 too 4 hodi bele asesu ba trasnporte hodi tula sira nia produtu ba merkadu munisipio likisa.
Estrada neebe liga ba aldeia quirielo konstrui kuaze tinan sanulu resin ona,no komunidade utilize deit iha tempu bailoron,no iha tempu udan labele utilize tamba rai dodok nakonu ho tahu.
Kondisaun Estrada nee difikulta mos ba inan isin rua sira bainhira atu asesu ba fasilidade saude,dalaruma inan isin rua balu famiia tenki tau iha kadeira no leba too iha postu saude ebenu hodi hetan asistensia husi profisonal saude sira.
