Joventude sira ho insiativa hari fatin turismu iha aldeia raeme suku vatuvou postu administrativu maubara munisipiu liquiça.
Kordenador grupu lambar Paulinu de Jesus hateten katak,grupun ida ne’e kria, inisiativa husi xefi suku no ngo ciai no komunidade suku vatuvou rasik no grupu ida ne’e hari kuaze tinan 3 ona.
“ami nia grupu ne’e ami voluntario tinan 3 ona, hamutuk ho juventudi sira husi aldeia 2 aldeia remes no siamanaru, primeru inisia ne’e inisiativa mai husi xefe suku hamutuk ho organizasaun internasional ciai sira mak mai suporta ami hodi organiza proteze kona ba tasi, bandu tasi nian, iha 2018 liu ba halo lansamentu iha ne’e vise ministru agrikultura no mos deputadu sr. Antonino bianco sira mak mai halo lansamentu iha ne’e, ne’e liu tiha ciai paradu la suporta maibe ami nia vontade la’o nafatin hala’o nafatin ami nia servisu ho voluntario hari uma sira ne’e, halo ami nia baraka sira ne’e “.
Paulino de jesus hatutan mos katak, husi tinan ida nee husi ministerio turismu apoi ona grupu lamabar hodi konstoi tan fatin hanesan hari uma ba vijitante, halo lutu, halo fatin negosiu no pos bileti.
“ministeiru turismu sira mai hare sira husu ami hatama proposta ba ne’eba to’o ohin loron ne’e sira suporta ami hodi hala’o aktividade ida ne’e, ami halo uma toba fatin rua (2), halo mos kareta para fatin, halo mos kroa vinvindu, halo fatin negosiu, halo post bileti, halo kapitari no halo mos fatin deskansa ba vijitante sira nian “.
Entrtantu joventude iha grupu lambar hamutuk 59, feto 24 , mane 45, no grupu lambar oras ne’e hetan apoiu ona nusi ministeiru turismu ho osan dolares rihun hat nulu resin rua ruanulu resin ne’en ($ 42.026 )
