Organizasaun naun governamental (ong) netil lansa programa rai matak hodi kuda ai-horis ba komunidade nia to’os iha suku motaulun postu administrativu bazartete munisipiu liquiça.
Direktor ong netil Paulino Fransico hateten, objetivu programa rai matak ne’e atu hasa’e koinesimentu komunidade nian atu kuda ai-horis iha sira nia to’os.
komunidade sira sei kuda ai-horis ho tipu ualu mak hanesan ai-kakeu, ai-saria, mahoni, teka lokal, ai-nitas, ai-bubur, no ai-kameli.
“ objetivu husi lansamento programa rai matak ne’e atu abelar informasaun ba ita nia komunidade sira iha municipiu liquiça kona ba hodi hasae sira nia konsiensia para sira bele kuda ai iha sira nia toos laran, iha ai horis tipu valu 8 ne’e mak hanesan; ai kakeu, ai saria, mahoni, teka lokal, ai nitas, ai bubur ho ai kameli.”
Paulino fransico hatutan, programa rai matak ne’e halo iha suku sanulu(10) iha munisipiu liquiça no suku hat(4) mak implementa ona,
“ programa ne’e ita halao iha teritorio municipiu liquiça tomak inklui suku sanulu 10, suku sanulu ne’e mak; bazartete, iha suku mota ulun, fatu masi, fahi lebu, metagou, lauhata ho ulmera, husi posto liquiça ne’e inklui suku loidahar hosuku fatukesi, postu maubara suku vatu-vau, planu ba suku lisadila tan. Agora dadaun implementa ona suku hat 4 ona, suku hat ne’e mak; bazartete, suku mota ulun ho fahi lebo, liquiça suku loidahar posto maubara suku vatu-vou.”
Programa rai matak ne’e hetan apoiu husi uniaun europeia ho montante orsamentu dolar rihun ne’en-nulu(60).
