Uniaun europeia kongratula ba organizasaun naun governamental (ong) netil halo lansamentu ba programa rai matak hodi kuda ai-horis ba komunidade nia to’os iha suku motaulun postu administrativu bazartete munisipiu liquiça.
Responsabel uniaun europeia iha timor-leste severin mellac hateten, kontenti tebes ong netil neebe organiza ona programa nee no onra bo’ot ba to’os nain sira tamba bele hare direitamente ai oan ne’ebe sira kuda.
“espesialmente hau kontente los ohin loron bele mai marka presensa iha ne’e, hau husu obrigado mos ba hau nia tim tamba organiza ona aktividade ohin loron nian, buat hotu-hotu laos para deit iha deskursu ne’ebe hau fo sai deit kona ba emtelegasaun misaun uni, maibe importante mos atu hare katak servisu konkretu ida mak hau nia tir no toos nain sira halo ona liu-liu iha ai sira ne’ebe mak balu kuda ona hau kontente los hare ida ne’e hau senti hanesan honra boot ida bele hare direitamente.”
Responsabel uniaun europeia ne’e informa, kontenti los bainhira hare komiunidade servisu kuda ai oan atu nunee bele proteze ita nia ambiente no governu mos kolabora diak tebes iha prosesu ida nee.
“ hau kontente los tamba iha parte ida mos ita servisu makaas atu bele proteze ita nia ambiente rasik , saida mak ita halo ne’e laos deit katak ita dere ba deit prozetu depois ita simu osan, maibe ita mos halo servisu ruma hodi proteze ita nia ambiente no ida ne’e mos hola parte ba servisu governu nian governu mos kolabora diak tebes iha prosesu ida ne’e, entaun hau kontente tebtebes hare buat hotu-hotu mak tuir planu lao ho susesu.”
Implementasaun programa rai matak no kuda ai sei implenta iha municipio lima (5) hanesan lospalos, viqueque, baucau, liquica no covalima.
