Profisional saude iha munisipio likisa kontinua esplika ba publiku kona ba benefisio husi vasinasaun.
Xefe sentru saude postu administrative bazartete munisipio likisa Silvino da Silva hateten vasinasaun ne’e importante tebes ba ema nia imunidade isin nian hodi luta hasoru moras oioin .
“ benefisio husi vasina ne’e maka atu hasae ita nia imunidade isin nian, ema neebe hetan vasina sai hanesan forsa ida atu haforsa ita nia isin atu nune’e bainhira ita hetan moras ruma labele afeta grave tamba ita nia isin sei iha forsa.”
Xefi sentru saude ne’e afirma dalan diak atu haforsa imunidade isin ne’e maka tenki hetan vasinasaun.
