mary mackillop today liu husi programa saúde literasia realiza inagurasaun sanitasaun báziku ba eskola filiais sanulu ne’ebé hetan apoiu fundu ki’ik husi mary mackillop today iha eskola filia 1.2 maumeta postu administrativu bazartete munisípiu liquiçá.
Country direktor mary mackillop today alipio baltazar imforma fundu ki’ik ne’ebé fornese sei fó benefisiu bo’ot ba estudante sira nune’e bele fasilita estudante sira.
“ fundu kik ne’ebe ita fornese tanba bazeia ba saude escolar atu hanorin labarik sira fase liman para atu prevene sira husi moras iha municipiu ne’e diak tanba eskola balu fasilidade kompletu no iha area remotas dalaruma problema oituan ba sira tanba atu ba haris fatin maibe haris fatin deit mos laiha no eskola balun iha foho dala ruma labarik sira soe foer boot/kik iha ai laran ida ne’e mos risku ida ba sira nia vida labele hare ba fundu ne’ebe mak kik maski kik maibe sei fo benifisiu ba ita nia estudante sira no hahu ona promove labarik sira nia saude iha escolar primeiru iha municipiu manufahi postu administrative same”.
Koordenadora eskola filial 1.2 maumeta lucia de jesus martins agradese ba ngo mary mackillop today tamba bele apoiu ona sintina no fatin lixu ba eskola.
“agradese ba ngo mary mackillop today ne’ebe mak apoiu ona ami hodi hari’i ami nia sintina no haris fatin iha ami nia eskola inklui mos fatin lixu ida ne’e ami presiza tebes tamba iha nia eskola ho numeru estudante ne’ebe mak ass”.
Country direktor mary mackillop today mos agradese ba autoridade lokal no inan aman sira ba kooperasaun diak durante implementasaun servisu to’o remata obra refere.
Alende ne’e nia parte husu ba estudante sira bainhira utiliza obra sira ne’e uja ho didiak no nafatin atu kontrola no kuidadu tamba nain obra refere maka estudante sira.
“agradese autoriedade lokal hanesan admistrador, autoridade suku, no mos lideransa sira hotu tanba suporta teb-tebes no presidenti app eskola refere mos halo kordenasaun ne’ebe mak diak ho eskola no husu ita nia servisu hamutuk ajuda eskola balun ne’ebe mek ihe area remotas no ita tenki fornese kondisaun ruma ne’ebe mak diak ba estudante sira ne’ebe mak hasoru problema iha area remotas.no husu ba alin sira atu soe lixu iha nia fatin no labele soe lixu arbiru no mos kuidadau sasan sira ne’ebe mak iha tamba nain mak imi,ita halo ida ne’e hodi halo prevennsaun ba ita nia rai hanean dezastre naturais erosaun no mos rai halai. No labele konfuzaun ho konstrusaun refere tanba konstrusan ida ne’e laos marry mackillop nian maibe ida ne’e eskola nian sei assina akta ida hodi entrega ba autoridade lokal sira projetu ne’e ba ita komunidade liquiça liu-liu espesialmente ba eskola ida ne’e”.
Tempo hanesan representante inan aman silvino ribeiro dos santos hato’o agradesementu no nia husu ba ngo mary mackillop today atu kontinua apoiu ba eskola seluk ne’ebé presiza sira nia tulun.
“ba hotu-hotu hau representa inan aman hatoo agradesementu ba mery mackillop today tamba ajuda hau n oan sira nia eskola fatin ida nee tau sentina ho lisu fatin, hau hanoin nee buat diak ida hanorin ita nia oan sira nee atu nunee aban bainrua fila ba uma sira hanorin tutan ba sira nia inan aman para bele prepera mos iha uma hanesan mos iha eskola nee hau hanoin buat sira nee liu husi eskola, ho matenek sira nee mak bele hanorin inan aman sira nebe beik nee, neebe hau hanoin ida nee mak hau agradese boot tebtebes labele iha nee deit maibe hare mos ba eskola sira seluk neebe iha foho liu, ngo ida nee tenke tau matan ba eskola sira iha foho rural liu, ida nee maizumenus iha sidade oituan, rural nee mak importante liu ne mak husu sira nia ajuda nee labele para deit iha nee bele too mos iha rurais”.
Eskola ne’ebé hetan apoiu fundu ki’ik husi mary mackillop today maka hanesan eskola ebf 1.2 maumeta ba kontrusaun sentina ebf 1.2 gariana ebf 1.2 lauhata ebf 1.2 liquiçá ebf 1.2 loidahar ebf 1.2 laklolema ebf 1.2 lebutatalelo ebf 1.2 mauboque ebf 1.2 maumetalau ebf 1.2 vatunau ba kontrusaun fatin lixu.
