Uma kain atus lima resin iha aldeia darmudapu suku maumeta, postu administrativu bazartete, munisipiu liquiça, menus be’e mos.
Xefe aldeia darmudapu Agusto Barreto dos santos haeten, be’e ne’ebe konstrui husi pnds la sufisiente ba uma kain atus lima resin.
“ Iha be’e mos ne’e ita dada iha 2015 ne’e husi programa PNDS to’o ohin loron iha ne’e asesu be’e ida ne’e momentu orsamentu sai ne’e ba aldeia darmudapu maibe laos aldeia darmudapu mesak iha ne’e kompostu husi suku lauhata no suku metagou komunidade barak mak hela hotu iha aldeia ne’e hanesan suku tolu(3) nia populasaun maka uza hotu be’e ida ne’e, hau sente be’e ne’e la sifisiente hau sente triste oitoan tamba komunidade barak liu husi uma kain atus lima resin no populasaun rihun ida resin, ne’ebe be’e la sifiente kadan dader labarik sira atu ba eskola no maluk balu atu ba servisu mos atraja ho be’e tamba se be’e laiha pasiensia ami hotu-hotu tenke ba ke’e mota hodi hetan be’e mos hodi lalais hodi labarik sira ba eskola no maluk sira funsionario, balun ne’ebe atu ba iha merkadu ka ba hare aktividade seluk tenke tun hotu ba iha mota atu buka be’e mos depois mak ba servisu k aba eskola kadan estudante balun atrapaila ho be’e ida balun falta eskola tamba tarde husi tempu ne’ebe atu ba eskola”.
Agusto barreto dos santos hatutan, be’e ne’e la ativu tamba failansu husi ekipa la iha kontrolu maximu, ikus mai la fó benefisiu ba komunidade sira.
“ Durante be’e ida ne’ebe kontrui tiha maibe to’o agora la ativu nafatin be’e nunka lao mai tamba failansu tekniku ladun kontrolu be’e ne’e ho maximu ne’e mak ohin loron be’e ida ne’e ami hare ba ladun fo benefisiu povu sira tamba linha kordenasaun komunidade ho ekipa sira ladun lao hamutuk, hau sente katak ho razaun sira ne’e iha tempu badak hau sei hamutuk ho hau nia komunidader sira ho ekipa sira atu nune’e bele hare fila fali be’e ne’e hodi komunidade sira asesu nafatin”.
Ba futuru xefe aldeia sei servisu hamutuk ho komunidade no ekipa sira atu normaliza be’e ne’e hodi komunidade sira bele asesu nafatin.
