Fundasaun moris foun (FMF) realiza dialogo no advokasia ba postu administrstivu tolu bazartete, liquiça no maubara kona ba resultadu diskobrementu auditoria sosial ba setor edukasaun no setor saúde iha munisipiu liquiça
Diretora Fundasaun Moris Foun(FMF) Graciana da Silva hateten, objetivu ba dialogu ne’e atu avalia ba problema ne’ebe durante ne’e setor edukasaun no setor saúde infrenta.
“ Objetivu husi dialogu ida ohin atu hare fila fali ka avalia fila fali resultadu deskobrimentu sira ne’ebe maka husi parte Edukasaun ho saude ne’ebe mak iha tinan 3 liu ba ami FMF halo ona auditoria sosial hodi hato’o nia deskobrimentu sira no rekomendasaun sira ba iha ita nia estadu no governu, ohin ita hare fali katak sektor 2 ne’e responde ona rekomendasaun sira ka la’e, ida ne’e mak ohin ita nia abjetivu mai atu hare fila ita nia resultadu auditoria sosial”.
Graciana da Silva hatutan, auditoria sosial ne’e laos julga ema maibe atu hare prestasaun servisu publiku no preokupasaun komunidade atu hadia iha futuru.
“ Dalaruma mos ema hanoin auditoria sosial ne’e ita atu julga ema, la’e ida ne’e atu hare deit prestasaun servisu, preokupasaun komunidade nian no mos servisu publiku nian ne’ebe maka la responde nesesidade komunidade nian ida ne’e maka ita atu halo hodi hadia iha future”.
Programa dialogu nivel postu ne’e hatan apoiu fundus husi sascas-pm ho montante orsalmentu dolares amrikanu rihun ruanu (20.000).
