Komandante PNTL Liquiça Enkoraza Feto Atu Kompete Iha Eleisaun Suku

Komandante PNTL Municipio Liquiça enkoraza feto sira atu labele lakon oportunidade hodi kompete iha Eleisaun Suku tinan ida ne’e.
Lia hirak ne’e hato’o husi Komandante PNTL Municipio Liquiça superintendente Umbelina dos Santos Soares iha nia fatin feto laos deit atu servisu iha dapur no sai deit dona da casa maibe feto mos iha papel importante ba desemvolvimento Nasaun nian no iha direito ne’ebe hanesan ho mane sira tamba ne’e husu ba feto maluk sira atu avansa hodi kandidata an ba Lider Komunitaria ba Eleisaun Suku Tinan ida ne’e.
Umbelina dos Santos Soares husu ba mane sira atu fo liberdade ba feto hodi partisipa iha vida politika no labele intervein para hodi hamate feto sira nia kareira, sai deit hanesan inan, sai deit hanesan parseiru iha familia diak liu fo apoiu para feto ho mane lao hamutuk hodi hare ba implementasaun igualidade generu iha ratifikativu lei sira ne’ebe maka implementa iha ita nia nasaun ne’e, tamba nasaun timor leste adopta siste demokrasia.
Municipio Liquiça iha Suku rua nulu resin tolu maibe suku rua mak ukun ho feto .