Ministerio Edukasaun ,hamutuk ho Infordepe Ofisialmente halo abertura kursu bacharelatu ba profesores ensinu baziku iha Munisipio Likisa.
Iha cerimonia ne’e presidente infordepe Domingos Martins agradese ba MInisterio Edukasaun no Ministerio Ensinu Superior tamba bele kopera ho Infordepe atu fo kursu bacharelatu ba professor sira.
“ Agradese ba magnifiku Reitor tamba ho koperasaun ne’ebe di’ak husi INFORDEPE ho UNTL bele realiza abertura ba formasaun ida ne’e i agradese mos ba Ministeiru Edukasaun no mos Ministeiru Ensinu Superior nia koperasaun bele kontinua nafatin kursu ida ne’e, formasaun ida ne’e formandus ou estudante etapa ida ne’e ba 1275 estudantes iha teritoriu Timor-Leste, ohin abertura ofisial iha munisipiu Liquiça ho ninia total estudantes 103 laos ohin iha Liquiça deit inklui mos 11 munisipiu no Raeoa mak kontinua ba semana oin”.
Domingos Martins hatutan, ba futuru infordepe nafatin kopera ho untl hodi hasa’e kualidade professor sira nian iha teritoriu timor-leste.
“ INFORDEPE koperasaun diak ho UNTL tebes parte akademikamente responsabel magnifiku Reitor i parte logistika responsabel husi INFORDEPE ne’ebe hanesan ohin hatete 180 kreditus i depois 32 udidades kurikulares, professores 1275 ne’ebe fahe ba i depois reforsa husi dosente UNTL no mos formador INFORDEPE hamutuk 104 husi UNTL 40 no husi INFORDEPE 64 formandus, iha mundu edukasaun dinámiku ohin ne’e ami hahu ho 1275 maibe ami tenta nafatin ba futuru sei koperasaun nafatin ho UNTL oinsa maka atu hasa’e kualidade professor sira iha teritoriu Timor-Leste”.
Total professores ne’ebe maka tuir formasaun bacharelatu ba etapa tinan ida ne’e hamutuk rihun ida atus rua hitunulu resin lima (1275) iha teritorio timor-leste .