Univeursidade nasional timor lorosa’e (untl) parseria ho infordepe hodi realiaza kursu bacharelatu ba profesores ensinu básiku iha teritoriu timor-leste.
Reitor universidade nasional timor lorosa’e (UNTL) João Martins hateten, kursu bacharelatu ba profesores ensinu básiku ne’e hahu iha tinan 2017 ho estudante hamutuk rihun rua atus lima hitunulu resin ne’en (2576) no ohin kontinua tan estudante hamutuk rihun ida atus rua hitunulu resin lima(1275).
“ Ohin ita hala’o abertura ofisial ba kursu bacharelatu ba professores ensinu básiku iha teritoriu timor laran tomak, ne’e la’os primeira vez akordu ne’e halo iha 2017 graduasaun iha tinan kotuk 2576 professores ne’ebe maka neste momentu hetan graduasaun iha tinan kotuk i neste momentu hala’o sira nia kna’ar iha teritoriu laran tomak, i ohin ita kontinua halo formasaun 1275 tan iha Liquiça ne’e ita iha 103 tamba ne’e maka INFORDEPE hamutuk ho UNTL no mos Ministeru Ensinu Superior, Ministeru Edukasaun desidi atu halo abertura ofisial ba formasaun 1275 ne’e iha munisipiu Liquiça”.
João Martins hatutan, universidade nasional timor lorosa’e (UNTL) prontu fasilita formasaun tuir kontiudu kurikúlar ne’ebé akordu ona ho infordepe.
“ Akordu ne’ebe ita asina iha fulan 3 kotuk ba entre UNTL ho INFORDEPE no mos asiste husi husi senhor ministru iha altura ne’ebe Dr. Armindu Maia ne’ebe maka hare prosesu ne’e i agora ita foin implementa iha IX governu, UNTL prontu atu bele halo formasaun tuir kontiudu kirikular ne’ebe maka ami konkorda malu formasaun ba tinan 3”.
Akordu ne’ebe universidade nasional timor lorosa’e (UNTL) ho INFORDEPE halo hahu husi tinan rihun rua sanulu resin hitu(2017) to’o ohin loron.
