Eduardo Alves da Cruz atual xefe suku fatumasi postu administrativu bazartete munisipio likisa re-kandidatu ba xefe suku tinan ne’e iha suku fatumasi.
Eduardo hateten nudar sidadaun nafatin kandidata an, atu manan ka lakon ne’e desizaun povu mak deside liu husi eleisaun.
“ Hau garante hela mais hau dehan buat hotu fila ba povu, ita ukun diak povu hili, se ukun la diak durante tinan 7 povu hare ba hahalok la diak koruptor maka povu la hili”.
Nia promete bainhira la konsege liu iha eleisaun maka sei nafatin fo apoio ba ida ne’ebe povu fo fiar .
“ Iha ne’e kandidatura ami nain 6 foun nain 5 tuan nain 1, hau la liu mos pronto apoiu sira nafatin saida mak sira la hatene hau bele ajuda, hau fo hatene ba kandidatu foun nain 5 mai hamutuk ho hau tuan hau hatete ba sira hanesan ne’e, ita mesak fatumasi oan diet to’o 28 outobru ida ne’ebe mak manan ita prontu ajuda malu labele oin suar ba malu labele hirus malu ida ne’ebe mak liu ita prontu suporta, ne’ebe fo hanoin ba komunidade aldeia 4 kada sentru votasaun 4 to’o 28 dadersan hotu-hotu tenke prontu ona iha fatin hodi tuir votasaun”.
Suku fatumasi kompostu husi aldeia haat hanensa,legumea bazartete, durubasa, no metir.
