Illas Nain Feto Rosariu Vizita Eskola Basika Filial 1,2 Loidahar

Illas Nain Feto Rosariu segunda feira ne’e vizita sarani sira iha Sentru Pastoral Loidahar Suku Loidahar ho prezensa nain feto nian ba sarani sira atu kesi metin liu tan fiar sarani sira nian hodi kontinua halo orasaun no devosaun ba Nain Feto liu husi nia harohan ba Nai Maromak.
Molok Illas Nain Feto Rosariu vizita sarani sira iha Sentru Pastoral Loidahar Illas Nain Feto vizita dahuluk ba Eskola Basika Filial 1,2 Loidahar hafoin liu minutu balun sarani sira kontinua kedas halo prosesaun ba iha Kapela Sentru Pastoral Loidahar
Iha vizita Illas Nain Feto Rosariu nian estudante sira kontenti hodi simu ho bidu tuir tradisaun ne’ebé Suku iha akonpaña husi Professores no inan aman sira no kontinua simu ho kantiku, tara tais no le poezia ba Illas Nain Feto no estudante sira simu ho entuziasmu ba prezensa Illas Nain Feto nian ba iha sira nia eskola.
Iha vizitasaun Illas Nain Feto nian halo estudante no Pofessores sira haksolok no kontenti simu Illas Nain Feto mesmu ho minute balun hafoin sarani sira kontinua kedas halo prosesaun ba iha Kapela Sentru Pastoral Loidahar.